പരാതി പറയാന് വിളിച്ച സ്ത്രീയോട് തട്ടിക്കയറിയ സംഭവത്തില് സംസ്ഥാന വനിതാ കമ്മീഷന് അധ്യക്ഷന് എം സി ജോസഫൈന് രാജി വയ്ക്കേണ്ടതില്ലെന്ന് ഡിവൈഎഫ്ഐ. വീഴ്ചയില് ജോസഫൈന് ഖേദം പ്രകടിപ്പിച്ചിട്ടുണ്ടെന്ന് സംസ്ഥാന നേതാവ് എ എ റഹീം വ്യക്തമാക്കി. ഇതോടെ വിവാദം അവസാനിച്ചു. വിവാദം ഉയരുമ്പോള് പൊതുവിഷയത്തില് നിന്ന് ശ്രദ്ധ മാറുമെന്നും അദ്ദേഹം ചൂണ്ടിക്കാട്ടി.
ഒരു ചാനലില് പങ്കെടുത്ത് യുവതിയുടെ പരാതി കേള്ക്കുന്നതിനിടെയാണ് എം. സി ജോസഫൈന് കയര്ത്തു സംസാരിച്ചത്. സ്ത്രീധനത്തിന്റെ പേരില് ഭര്ത്താവും വീട്ടുകാരും പീഡിപ്പിക്കുവെന്നായിരുന്നു യുവതിയുടെ പരാതി. ഇതിനിടെ എന്തുകൊണ്ട് പൊലീസിനെ അറിയിച്ചില്ല എന്ന് ജോസഫൈന് ചോദിച്ചു. അതിനു യുവതി നല്കിയ മറുപടിക്ക് ‘എന്നാല് പിന്നെ അനുഭവിച്ചോ’ എന്നാണ് ജോസഫൈന് പറഞ്ഞത്. സോഷ്യല് മീഡിയയില് വിഡിയോ പ്രചരിച്ചതോടെ ജോസഫൈനെതിരെ വ്യാപക വിമര്ശനം ഉയര്ന്നു.
