കൊറോണ വൈറസ് വ്യാപനത്തോടെ നിര്ത്തലാക്കിയ ഇന്ത്യ- യുഎഇ വിമാനസര്വീസ് പുനരാരംഭിക്കുന്നു. ജൂലൈ 15 സര്വീസ് പുനനാരംഭിക്കുമെന്ന് ഖലീജ് ടൈംസ് ആണ് റിപ്പോര്ട്ട് ചെയ്തിട്ടുള്ളത്. ഇതോടെ ഇന്ത്യയിലെ ഏതാനും നഗരങ്ങളില് നിന്ന് യുഎഇയിലേക്കുള്ള വിമാന ടിക്കറ്റിനുള്ള ബുക്കിംഗ് പുനരാരംഭിച്ചിട്ടുണ്ട്.
വിസ്താര എയര്ലൈന്സിന്റെ വെബ്സൈറ്റിലെ വിവരമനുസരിച്ച് ജൂലൈ 15, 16 തിയ്യതികളില് മുംബൈയില് നിന്ന് ദുബായിലേക്കുള്ള സര്വീസുകള്ക്ക് ടിക്കറ്റ് ഒഴിവുണ്ട്. ഇന്ത്യയില് നിന്ന് ദുബായിലേക്ക് സര്വ്വീസ് നടത്തുന്നതായി ഇന്ഡിഗോ എയര്ലൈനും വ്യക്തമാക്കിയിട്ടുണ്ട്. ജൂലൈ 16നുള്ള കണക്ഷന് വിമാനത്തിന് 850 ദിര്ഹമാണ് ടിക്കറ്റ് നിരക്ക്.
കൊവിഡിന്റെ ഡെല്റ്റ വകഭേദത്തിന്റെ വ്യാപനം രൂക്ഷമായതോടെ ഏപ്രില് 24 മുതലാണ് ഇന്ത്യയില് നിന്ന് യുഎഇയിലേക്കുള്ള വിമാന സര്വീസുകള് നിര്ത്തലാക്കിയത്. ഇതിനിടെ സര്വീസ് പുനരാരംഭിക്കുന്നത് സംബന്ധിച്ച് പലതരത്തിലുള്ള വാര്ത്തകളാണ് പുറത്തുവന്നിട്ടുള്ളത്.
ജൂലൈ 15, 16 തിയതികളില് മുംബൈയില് നിന്ന് യു.എ.ഇയിലേക്ക് ഏതാനും ടിക്കറ്റുകള് ലഭ്യമാണെന്ന് വിസ്താര എയര്ലൈന്സ് വെബ്സൈറ്റ് പറയുന്നു. ഇന്ഡിഗോ എയര്ലൈന്സ് വെബ്സൈറ്റിലും ദുബൈയിലേക്കുള്ള ടിക്കറ്റ് ബുക്കിങ് ആരംഭിച്ചിട്ടുണ്ട്. കണക്ടിങ് ഫ്ളൈറ്റിന് 850 ദിര്ഹം, നേരിട്ടുള്ള ഫ്ള്ളൈറ്റിന് 1,100 ദിര്ഹം എന്നിങ്ങനെയാണ് ടിക്കറ്റ് നിരക്ക്. കോവിഡ് രൂക്ഷമായ സാഹചര്യത്തില് ഏപ്രില് 24 മുതലാണ് ഇന്ത്യ-യു.എ.ഇ വിമാനസര്വീസ് റദ്ദാക്കിയത്. പിന്നീട്ട് ഘട്ടം ഘട്ടമായി വിലക്ക് ജൂലൈ 15വരെ ദീര്ഘിപ്പിക്കുകയായിരുന്നു. ഒടുവില് ജൂലൈ 15ന് സര്വീസ് പുനരാരംഭിക്കുമെന്നാണ് വ്യക്തമാക്കിയിട്ടുള്ളത്.
