അഫ്ഗാനിലെ സ്ത്രീകളെയോര്ത്ത് ആശങ്കയുണ്ടെന്ന് മലാല യൂസഫ്സായി.താലിബാന് കാബൂളും പിടിച്ചെടുത്തതിനു പിന്നാലെയാണ് മലാല പ്രതികരണവുമായി രംഗത്തെത്തിയത്.ട്വിറ്ററിലൂടെയാണ് പ്രതികരണം.
താലിബാന് അഫ്ഗാനിസ്താന്റെ നിയന്ത്രണമേറ്റെടുത്തുവെന്ന വാര്ത്ത ഞെട്ടലുണ്ടാക്കുന്നതാണ്. സ്ത്രീകള്, ന്യൂനപക്ഷങ്ങള്, മനുഷ്യാവകാശത്തിനായി പ്രവര്ത്തിക്കുന്ന അഭിഭാഷകര് എന്നിവരുടെ സ്ഥിതിയില് ആശങ്കയുണ്ട്. ആഗോള, പ്രാദേശിക ശക്തികള് വെടിനിര്ത്തലിനായി ഇടപെടണം. മാനുഷികമായ സഹായങ്ങള് അഫ്ഗാന് ജനതക്ക് ഒരുക്കണം. അഭയാര്ഥികളെ സംരക്ഷിക്കണമെന്നും മലാല ആവശ്യപ്പെട്ടു.
